QUE FAGO NA ASEMBLEA?

 Ao chegar ao cole o primeiro que facemos é quitar o mandilón e sentarnos na asemblea.

Eleximos ao encargado, que colga o seu cartel de encargado e comeza a pasar lista.

Despois o encargado coloca as letras do seu nome, escribe o nome e conta cantas letras ten para cantar a canción do encargado nomeando todas as letras do nome e os sons de cada unha delas.

Despois o encargado debúxase a si mesmo, tentando poñer todas as partes do seu corpo, mentres vai nomeando o que vai debuxando.

A continuación cantamos a canción da semana e dos mese e colocamos os carteis que corresponden para formar a data.

Despois observamos o tempo que fai e a estación na que estamos para vestir ao noso boneco acorde á estación e ao tempo que fai.

Despois construimos o horario do día: a suceción das actividades que imos facer durante o día: asamblea, conto, traballo por recunchos, recreo, ...

Despois traballamos a palabra protagonista: pensamos unha  ou varias palabras. Eleximos a que máis nos gusta para ese día. Construímola pronunciando os sons e collendo a letra que representa ese son, despois contamos o número de letras que ten, posteriormente escribímola, contamos as sílabas e colocamos as palmadas e o número correspondente e por último poñemos as vocais que ten esa palabra.

Tamén traballamos o número protagonista: Eleximos o número, repasamos todos e todas o trazo co dedo, poñemos os pelos que corresponde, montamos ás tartarugas que representan ese número no autobús, colocamos aos amigos do número protagonista(o anterior e o posterior). Despois representamos o número cos dedos, puntiños e estrelas; por último facemos a conta atrás dende o número ata o 0.

Despois conversamos, traballamos os contidos do día todos xuntos, contamos un conto, bailamos, ...e pasamos ao traballo en mesa, as veces todos xuntos, as veces por grupos nos recunchos.