RECIBIMOS O PRIMEIRO TESOURO DE GIGURRÍN

 Despois destes días de festa de Samaín esperábamos atopar o ouro morado e o ouro verde-amarelo na clase, pois Gigurrín dixéranos que se descubriamos onde nacera nos entregaría este tesouro...pero o mércores chegámos ao cole e....NADA....NADA DE NADA!!!!! Menuda decepción... 

 "Gigurrín mentiunos"- dixo un dos rapaces...

"Las promesas hay que cumplirlas" dixo outro. 

"Estará escondido" dixo outra. 

Total ... que nos puxemos a buscar e nada nin en A nin en B non había ouro ningún... 

Bueno...pode que Gigurrín non puidera vir persoalmente e mandara o tesouro por mensaxería e cos festivos tardara en chegar, pero,  de repente... apareceu o papá de Fabián. Viría a buscalo para ir ao médico??? NON!!!!!! VIÑA DE PARTE DE GIGURRÍN!!!!! 

Traía algo moi...moi...pero que moi IMPORTANTE!!! 

...

O OURO MORADO  e o OURO VERDE-AMARELO que lle entregou o seu amigo Gigurrín para que nolo trouxese ao cole e ter por fin o noso primeiro tesouro. 

Menuda sorpresa!!!! Tratábase das uvas!!! Claro!!! Como non se nos ocorrera antes!!!! O ouro morado  (as uvas tintas) e o ouro verde-amarelo (as uvas brancas). Un dos tesouros da nosa comarca... AS UVAS!!!!!

Por fin, puidemos tocar o tesouro que nos trouxo José Enrique de parte de Gigurrín e descubrir que todos estiveramos xa en contacto con ese tesouro noutras ocasións.

José Enrique explicounos que as uvas eran un tesouro para Gigurrín, para Calubriguiña, para toda a súa familia prehistórica pero tamén para todos nós que vivimos na comarca de Valdeorras, xa que aquí temos moitas viñas, cheas de cepas nas que crecen  moitas variedades de uvas, que hai que cortar cunha tixeira, coitelo, navalla ou gancheta para despois levalas á bodega esmagalas e botalas no cubeto para que fermente o mosto e se convirta en viño.

Asi que foi ensinándonos todo o que debemos saber e coñecer para facer esta maxía cos nosos tesouros.

Primeiro ensinounas unha vide da que nacen os racimos de uvas para que recoñecésemos o árbusto do que obtemos o ouro morado e o ouro verde-amarelo. Neste caso era unha vide de ouro verde-amarelo.

Despois, ensinounos as tesouras coas que cortar os racimos para botalos nos cestos ou nas caixas para levalos despois á bodega.

Na bodega, esmáganse as uvas cos pés ou á máquina.

Deixanse ferver no cubeto

Dentro do cubeto fermenta e convértese en viño.

Así, Gigurrín non so nos mandou o tesouro , se non que nos mandou a un experto para que nos explicara a máxia do viño.

Así que,  para celebrar este feliz, fantástico e instructivo encontro decicimos facer unha foto para rememorar esta visita todos xuntos  e despois posando cada un de nós cos tesouros.

   

Pero, antes de de marchar, o papá de Fabián deixounos un pequeno agasallo, que nos serviría para alimentar a mente e  coller forzas para descubrir cal sería o OURO MARRÓN. 

Sabes xa cal é o ouro marrón, que próximamente nos entregarán Gigurrín e Calubriguiña?

GRACIAS, JOSÉ ENRIQUE POLA VISITA!!!

JORGE ACHÉGASE Á COVA ONDE NACEU GIGURRÍN E CALUBRIGUIÑA

 O noso compañeiro Jorge, seguindo os pasos dos seus compañeiros, e sabendo que Gigurrín naceu na época prehistórica, decidiu ir buscar a cova onde naceu o noso amigo.

Foi seguindo pistas...

E por fin deu coa entrada á cova de Gigurrín

Animádesvos como Jorge, Fabián e Mateo a descubrir os lugares polos andaba Gigurrín na busca de caza, pesca, froitos silvestres, raices, cogumelos ... para alimentarse el e a súa familia?

MATEO E FABIÁN DESCOBREN ONDE NACEU GIGURRÍN

 Hai uns días GIGURRÍN deunos unhas pistas para que tentásemos descubrir onde nacera el e máis a súa irmá Calubriguiña. Nun mail dicíanos que se descubriamos en que concello da nosa comarca nacera entregaríanos o ouro morado e o ouro verde-amarelo.

Pois, ben, Mateo e Fabián decidiron exercer de exploradores, detectives e espias e ir buscando pistas.

Adentráronse no monte en condicións extremas de vento e chuvia de outono e foron observando e repasando as pistas... metéronse por sendas oscuras e perigosas...

Encontraron uns froitos estraños...e pensaron...seguro que estamos cerca...algo tería que comer Gigurrín e esta froita parece apetitosa.

Cada vez estaban máis cerca... pero decidiron ir despacio explorando e observando a fermosa paisaxe ao seu redor.

E por fin, despois de repasar por última vez as pistas, decidiron desvelarnos o segredo de Gigurrín...

GIGURRÍN NACEU EN....... COVAS (no concello de Rubiá) nunha das moitas covas que neste lugar existen. E na que non puideron entrar porque as covas da Serra da Lastra son zona restrinxida do parque natural e so se pode entrar con permiso dos axentes do parque.

Aquí vos deixan unha "ubicación" para que vos animedes a visitar Covas e  ademáis de encontrar o lugar de nacemento de Gigurrín poidades aproveitar a visita e ver toda a contorna do pobo e do parque natural da Serra da Lastra. 

GRACIAS COMPAÑEIROS!!!!!! CREO QUE ACABAMOS DE CONSEGUIR O OURO MORADO E O OURO VERDE-AMARELO.